Heilsuvika

Nánar um dagskrárliði

Opnun Heilsustígs
Laugardaginn 3. september opnar heilsustígurinn formlega. Farið verður allan hringinn og útskýrt hvernig tækin og stöðvarnar virka.

Olympus
Mánudag-föstudag. Opið alla daga og frír aðgangur að Olympus heilsurækt. Leiðbeinandi fyrirtækin verður til staðar 2 tíma á dag kl. 17-19 í tækjasal til að fara yfir æfingar á tækjunum og aðstoða þá sem vilja.

Frjálsi Dansklúbburinn Maria Cristina
Hressandi og brennsla. Suðrænar sveiflur, salsa og skemmtilegar æfingar sem koma brennslunni af stað.

Fræðslunet Suðurlands
Léttir og hollir réttir - 3 klst. Á námskeiðinu er kennd matreiðsla sem hefur heilsu og hollustu að leiðarljósi. Fjallað verður um fæðuval og hvernig nota má hollar matvörur í stað óhollra við matargerðina. Síðari hluti námskeiðsins er verkleg kennsla þar sem þátttakendur elda nokkra hollusturétti sem snæddir eru í lokin. Í tilefni af heilsuviku er þetta námskeið á sérstkalega hagstæðu verði kr. 5000. Innritun í síma 480 8155 og 852 2155 eða á fraedslunet@fraedslunet.is. Hámark 12 þátttakendur. Kennari: Guðríður Egilsdóttir, heimilisfræðikennari og matreiðslumeistari

Zumba Sigurbjörg Björgúlfsd.
Hvað er Zumba og af hverju? Zumba fagnar 10 ára afmæli um þessar mundir. Á bak við þessa líkamrækt liggur skemmtileg saga. Farið verður yfir hvað Zumba er og fyrir hvað það stendur. Zumba er lögverndað vörumerki og þurfa kennarar að hafa áunnið sér réttindi til kennslu.

Heilsugæsla Rangárþings
Miðvikudaginn 7. sept. verður boðið uppá heilsufarsmælingar milli kl. 11 og 12. Panta þarf tíma en mælingarnar eru ykkur að kostnaðarlausu.

Boot Camp Hvolsvelli
Frítt verður í boot camp tímana alla heilsuvikuna og komum við til með að nota heilsustíginn extra mikið þá viku...en ekki endilega eftir þeim leiðbeiningum sem tækjunum fylgja.

Jákvæð sálfræði Hrefna Guðmundsdóttir
Farið verður yfir nokkrar staðreyndir um hamingjuna og þátttakendur fá að spreyta sig á æfingum úr jákvæðri sálfræði. Skoðum hvað einkennir hamingjusama og hvað getur aukið eigin hamingju. Létt og skemmtilegt.

Centering Prayer Margrét Guðjónsdóttir
Centering Prayer byggir á aldagamalli hefð sem endurvakin var upp úr 1970 og hefur verið að ná sífellt meiri útbreiðslu um heiminn síðan þá. Bænin byggir á orðlausri nálgun við Guð, þar sem biðjandinn tekur ákvörðun um að leitast við að opna hjarta sitt fyrir nærveru Guðs og verkan í lífi sínu. Þetta er eitt einfaldasta form íhugunarbænar sem um getur og geta allir lært það og stundað.

Badminton Ísólfur Gylfi
Badminton er íþrótt fyrir alla aldursflokka. Ísólfur Gylfi Pálason mun fara fyrir grunnatriði.

Bowen og regndropanudd Dóra Sigurðardóttir
Bowen tæknimeðferð hefur þau áhrif á líkamann að hún kemur af stað heilunarferli, verkjalosun og endurnýjun á orku. Áhrifin af meðferðinni er mjúk djúp og afslappandi. Young living olíurnar eru hágæðakjarnolíur sem eru notaðar til lækninga og ein aðferðin er regndropanuddið. Olíurnar er hægt að nota á marga vegu við allskonar kvillum.

Jóga og hugleiðsla Katrín Óskarsdóttir
Yoga og hugleiðsla er mannræktarkerfi sem fólk á öllum aldri, hefur iðkað um aldir. Það felur í sér að samhæfa huga, öndun og líkama, það gerir maður með því að nota öndunina inní allar teygjur og stöður. Yoga liðkar og styrkir ásamt því að veita innri ró og slökun. Þeir sem koma á kynninguna þurfa að taka með sér teppi og dýnu og vera
í þægilegum fötum.

Leikskólinn Örk
Leikskólinn mun taka þátt í heilsuvikunni og verður þema vikunnar, hreifing og hollur matur. Miðvikudaginn 7. september verður íþóttadagur í leikskólanum, þá hefjum við daginn á að fara í göngutúr um götur bæjarins með lögregluna í broddi fylkingar. Síðan verðum við með stöðvaþjálfun og leiki í garðinum okkar.

AloeVera Gunnlaugur/Halldór

Kynning á fæðubótarefnum og vörum úr AloeVera sem geta hjálpað þér að breita um lífsstíl.

Hvolsskóli

Hvolsskóli tekur virkan þátt í heilsuvikunni og munu breytingarnar fléttast að mestu inn í skólastarfið og mun halda að stórum hluta áfram þegar heilsuvikunni lýkur. Hollari matseðill, aukin útikennsla og sérstök verkefni unnin í tengslum við heilsuvikuna. Bæði nemendur og kennarar taka virkan þátt.

Sundlaugin Hvolsvelli

Frítt verður í sund vikuna 3. -10. september 2011 fyrir íbúa Rangárþings eystra. Opnunartími sundlaugarinnar frá 1. september verður alla virka daga kl. 6.30-20.45 og um helgar kl. 10.00 –17.00. Sá og sú sem syndir lengst í heilsuvikunni fá árskort í sund. Leifilegt er að synda tvisvar á dag. Athugið að skólasund er hafið. Kynnið ykkur stundatöfluna.

Morgunleikfimi Helgi Jens og Lárus
Íþróttakennarar munu kynna morgunleikfimi vetrarins á þriðjudaginn 6. september kl. 17.

Orkupunktajöfnun Margrét Guðjónsdóttir

OPJ byggir á tækni sem Garðar Jónsson miðill hefur þróað og undirbúið til kennslu. Þessi tækni byggir á andlegum orkupunktum líkamans sem eru 343 talsins fyrir utan aðalorkupunktana sem telja 49. OPJ byggist á því að virkja orkuna með því að koma af stað eðlilegu flæði á milli orkupunktana sem líkaminn er þakinn af. Margrét verður með kynningarbás í Hvolnum á sunnudaginn.

Hlaupastíll

Gunnlaugur Júlíusson er viðskiptafræðingur hjá Sambandi íslenskra sveitarfélaga. Hann hóf að Gunnlaugur Júlíusson hlaupa 1994 og hefur síðan verið einn duglegasti hlaupari landsins. Hann ætlar að kenna okkur að stíga fyrstu skrefin og hvernig á að halda áfram.

Kirkjuhvoll
Ragnheiður Guðjónsdóttir næringarfræðingur verður með fræðslu um hollustu og góð næringarráð fyrir íbúa, starfsfólk og gesti föstudaginn 9. september kl. 14-16.

Allar stofnanir sveitarfélagsins taka þátt í heilsuvikunni með heilsumatseðli ofl.

Ábendingar